1/09/2017

ثوره جياع مصر

ثوره الجياع فى مصر



التاريخ يعيد نفسه مليون مره
امتى! و اوزى ! و ليه!

ثورة الجياع هتسيطر".. ماشي، تعالوا كدة نشوف إحتمالية قيام الثورة دي كام في المية؟

ثورة ٢٥ يناير قامت على النظام القديم، وأول مطالبها عيش  وبعدها حرية وبعدها عدالة إجتماعية، وطبعاً كلنا عارفين أزمة طوابير العيش وغلاء الأسعار، وأزمة أنابيب البوتاجاز قبل ٢٠١١ كانت عاملة إزاي؟

وقامت الثورة و ما لحقها من حفر في الاقتصاد ، وتجريف لمصادر البلد، وخراب بيوت، وقفل مصانع، وضرب سياحة، واكتمل الخراب بزمن الاخوان و ما أدراك ما زمن الاخوان. أزمة كهرباء، أزمة بنزين، وأزمة أنابيب، وبعدها ثورة ٣٠ يونيو، و مابعدها من خطوات لمحاولة إصلاح ما تم إفساده، و حروب الجيل الرابع و الاشاعات وتشجيع من فئة كبيرة في مصر على مقاطعة مصر سياحياً، وبوستات ضد السياحة و هكذا .. إذن نتائج الثورة كانت حفر الاقتصاد مش تحسين مستوي المعيشة .

تعالوا نشوف كام بلد كده..

الهند مثلا نسبة الفقر فيها كبيرة جداً و الطبقة المتوسطة تكاد تختفي، هل قامت فيها ثورة جياع؟!

اريتريا ، مالاوي ، زيمبابوي ، من أفقر الدول في العالم، هل قامت هناك ثورة جياع ؟

نشوف بقي نموذج إيجابي شوية كوريا الجنوبية، و انهيارها الاقتصادي من سنة ١٩٦١ إلى سنة ١٩٧٩ و انهيار البنية التحتية، ادارة دولة، اهتمام كبير، و بدايته الإقتصاد، والتركيز على الشركات العملاقة.. و اكيد كلنا عارفين كوريا الجنوبية اصبحت إزاي بالعمل و الادارة مش بثورة جياع.

و تعالوا نشوف الناس اللي كانت بتهتف بالعيش و الحرية في يناير و بتنادي دلوقتي بثورة جياع ... معظمهم اشتروا عربيات، سافروا و لفوا العالم و الباقي جاله منح معظمها في بريطانيا و يقولك ثورة جياع.

انا أسمع وأفهم عن الأزمة من واحد عايشها فعلًا، حارس العمارة، عامل في مصنع و بيكون كلامه شكوي من حال البلد و الدولار وربنا يصلح الاحوال، و بتكون الشكوي ايجابية و عمري ما سمعته بيقول نعمل ثورة جياع، بل بالعكس هو شايف ان اللي حصل للبلد بسبب الثورة و الحال قبلها كان احسن.. انما تبقى راكب مرسيدس و بتنادي بثورة جياع بالريموت كونترول وانت قاعد في الليفنج ده مش منطقي.

واحنا بقى كالعادة بنحب الجدال و الكيد و كالعادة كل واحد يحب ينزل بوست عن صورة السينيما كامل العدد ، الناس في الساحل ، عدد المدارس الدولية و مصاريفها و انا عن نفسي اتكلمت عن طابور الجبن اللي وقفت فيه ساعة وربع لحد ما يبجي دوري، قوم ايه نلاقي شتايم و اتهامات، وقصادها طبعاً بوستات ازمة انابيب ، طفل فقير في الشارع يفتقد فرحة العيد .. و هكذا.

ربنا لو خلق عين واحدة كان منطقي نشوف طرف واحد انما سبحانه و تعالي خلق لنا اتنين و لازم نشوف الجانبين و إلا هنكون بنضحك علي نفسنا ،، زي مافيه طوابير عالسينيما في طوابير عالمستشفيات الحكومية .. لاننا بلد و كل بلد فيها و فيها.

الناس دي دارسة و فاهمة كويس هي بتعمل إيه.. تحديد ميعاد مميز لشد الانتباه ١١/١١ معاد شيك جداً لثورة ، زي بالظبط ما الكتاب بيقول أعمل معاد للحدث مميز و محدد، يلفت النظر ، نبدأ ننزل بوستات و نكرر كلمة ثورة الجياع قبل الأكل و بعده لمده شهرين، و أي حد هيعترض أو ينزل بوستات عكسهم يلعبوا عالارهاب الفكري و يتهموك بالطبقية و انك في قصر عالي و مش حاسس بالغلابة عشان تسكت ، قوم ايه تترسخ في العقل و تبتدي تربط كل حدث حتى لو مفيش ربط بالثورة اللطيفة دي .
هل سألتوا نفسكم اللي هيعملوا ثورة الجياع دي عندهم تويتر و فيس بووك ولا حتي واي فاي؟ يبقى التوقيت ده ليه؟ و الغرض من النشر عالنت إيه، و بالانجليزي كمان!! عشان تحشد و تطبق خطط حروب الجيل الرابع في الحشد النتاوي زي ٢٥ يناير .. الأهم ان محدش يضحك علينا و يحقن مخنا بتكرار كلمة ثورة الجياع .. عشان هما ماشيين بمثل : بكتر الزن عالودان امَر من السحر .

أسوأ من كدة مرينا بيه و بلاد كتير مرت بيه ، الثورة الحقيقية هي ثورة العمل و القضاء على السلبيات.
No automatic alt text available.

No automatic alt text available.

No automatic alt text available.

No automatic alt text available.


No automatic alt text available.
No automatic alt text available.

No automatic alt text available.

No automatic alt text available.
Image may contain: indoor

No automatic alt text available.

Image may contain: food

No automatic alt text available.

Image may contain: indoor
No automatic alt text available.

No automatic alt text available.
Image may contain: one or more people

No automatic alt text available.

Image may contain: one or more people

Image may contain: indoor

Image may contain: food

Image may contain: one or more people and shoes

No automatic alt text available.

No automatic alt text available.






v
اضحك و اعمل بوستات كوميكس و كيد براحتك بس خلي بالك لان فيه خيط رفيع جداً ممكن يحولك لشخص طبقي ،، فإحذر هذه الدائرة !!! 
ورة الجياع هي أول ثورة تقوم في التاريخ فقد قام بها المصريون ضد الملك بيبي الثاني فحسب ما ورد في بردية ايبوير من وجود حالة مجاعة  وفقر وتردّى أحوال مصر في عهد الملك ووجود ثورة شعبية وكذلك حسب ما ورد في حجر جنوب سقّارة وهرم بيبى الثاني ونصوص الأهرام التي وجدت في أهرامات عائلة الملك بيبى الثاني في جنوب سقّارة من وصف لعصر بيبى الثاني بالآتى :
  • امتلك الحكم وهو طفل صغير.
  • كان يرسل البعثات الحربية في مختلف الأقطار وكان منتصرًا في مختلف الحروب.
  • ظلّ في سدّة الحكم فترة طويلة قيل 94 عام وقال البعض بل طلّ في الحكم قرابة 64 عام بسبب اختلافات في طريقة الحساب للسنوات بالنظام النصف سنوي.
  • حدثت مجاعة وفقر شديدة وهذا ما أكدّه المسح الجيولوجى للعصر الهولوسينى الحديث حيث تمّ تأكيد حدوث ظاهرة (4.2 Kiloyear) والتي تؤكّد وجود ظواهر انخفاض في منسوب النيل في مصر وكذلك في عدّة مناطق أخرى على مستوى الكوكب الأرضى منها بلاد العراق والجزيرة العربية وشمال أفريقيا ككل.
  • حدوث ثورة واضطراب شعبي كبير وهذا ما أكّدته برديات إيبوير.
و لهذا أعتقد شخصيًا اتّباعًا لبعض العلماء المتخصصين الذين ذكروا أنّ الملك (بيبى الثاني) هو فرعون موسى للأسباب التالية :
  • كان عصر الملك (بيبى الثاني) عصر فوضى ومجاعة وقحط وفقر واضطراب بعد وجود دلائل على قوّة وعظمة وسلطان شاسع.
  • عدم وجود أيّ دليل قوى يثبت وجود أبناء للملك (بيبى الثاني) وكذلك عدم وجود تدوين للفترة التي بعد الملك (بيبى الثاني) أحد أفراد الأسرة السادسة التي صُنّفت على أنّها ءاخر أسر عصر المملكة الفرعونية القديمة ممّا يعنى حالة كبيرة وعارمة من الفوضى لم تحدث من خلال احتلال أو انقسام وهذا ممّا هو معهود عن الفراعنة أنّهم لا يدونون إلّا انتصاراتهم وإشراقات عصرهم ممّا يقرّب فكرة وجود ثورة شعب إسرائيل على الفرعون وخروجهم من مصر وموت الفرعون بعد ذلك ممّا جعل كرسى المُلك فارغًا وبالتالى أحدث فراغًا سياسيًا هائلًا.
  • هرم الملك (بيبى الثاني) الذي أوضح المسح الهندسي أنّه تمّ هدمه وإعادة بناءه لأسباب مجهولة ممّا يؤكّد وجود سرًّا ما حول هذا الهرم الذي توحى قاعدته بأنّه كان ليصبح هرم كبير.
  • برديات إيبوير ووصفها للغرائب من فقر الأغنياء وغنى الفقراء والفوضى والفقر والقحط وانخفاض المياه وما غير ذلك من وصف لمرحلة تاريخية غريبة مليئة بالنكبات تقارب ما وصفته الكتب السماوية عن فترة خروج شعب إسرائيل من مصر.
  • عدم وجود تمثال واحد أو أثر واحد يمثّل الملك (بيبى الثاني) في صورة مهيبة بل على العكس يوجد له تمثالان أحدهما يظهر فيه الملك (بيبى الثاني) طفلًا تحمله أمّه على فخذها والآخر يظهر فيه طفلًا عاريًا بالرغم من وجود قصص ومرويات وتصوير له يثبت كونه ملكًا يمتلك انتصارات على الليبين والنوبيين وما غير ذلك من تسجيلات له.

http://www.masralarabia.com/%D8%AA%D9%82%D8%A7%D8%B1%D9%8A%D8%B1-%D9%88%D8%AA%D8%AD%D9%82%D9%8A%D9%82%D8%A7%D8%AA/1237542-%D8%A8%D8%A7%D9%84%D8%B5%D9%88%D8%B1-%D8%A8%D8%B9%D8%AF-%D8%BA%D9%84%D8%A7%D8%A1-%D8%A7%D9%84%D8%A3%D8%B3%D8%B9%D8%A7%D8%B1-%D8%A3%D9%87%D8%A7%D9%84%D9%8A-%D8%B7%D9%86%D8%B7%D8%A7-%D8%AB%D9%88%D8%B1%D8%A9-%D8%A7%D9%84%D8%AC%D9%8A%D8%A7%D8%B9-%D9%82%D8%A7%D8%AF%D9%85%D8%A9

Founder of Blogger semsam,Independent Blogger 2005.Middle East observer,Writer on Egypt,Yemen ,Arab,Current affairs-member in Arab blogger,Editor in Global Voices,Technology,Geek τέχνη,web development,internet security

Thank You for your comment
Please keep it civilized here , I will not tolerate any insult in my blog or any racist or hateful comment,NO SPAM plz .
The Comments in this blog with exclusion of the blog's owner do not represent the views of the blog's owner.
EmoticonEmoticon