‏إظهار الرسائل ذات التسميات امن الدولة. إظهار كافة الرسائل
‏إظهار الرسائل ذات التسميات امن الدولة. إظهار كافة الرسائل

12/18/2007

اعلن امس مجلس قيادة التهييس الشعبى عن قيام الثورة الشعبية فى كل انحاء بر مصر المحروسة

اعلن امس مجلس قيادة التهييس الشعبى عن قيام الثورة الشعبية فى كل انحاء بر مصر المحروسة
واليكم تفاصيل الخبر
كنت اجلس مع اصدقائى فى السياسة نتكلم عن حال التى صارت اليها المحروسة فى السياسة . فبعد حبس قيادات المعارضة مثل ايمن نوروغيرة من الشخصيات العامة وحالة الشلل التى اصابات كل من حزب الغد وحركة كفاية. والمشاكل الداخلية التى تلاحق الاحزاب مثل حزب الوفد والحزب الاحرار. والقبض وتصفية جماعة الاخوان. فاصبحت الساحة السياسية خالية من اى شكل من اشكال معارضة النظام. مما يسمح للحزب الحاكم ان يفعل ما يريد من توريث الحكم او انتقالة الى اى شخصية من الحزب الوطنى
وفى ظل هذة الظروف قررنا ان نبتعد عن الواقع الكئيب وان نفكر باللا معقولية ( بالبلدى يعنى نهييس) وان ناخذ قررت هامة ومصيرية لاصلاح حال البلد. فوجدنا انه لا يوجد حل غير اعلان ثورة شعبية وهذة هى تفاصيل الثورة - التهييس
وكان قرار الاول هو الاعلان عن انشاء مجلس قيادة التهييس الشعبى ويتكون مننا احنا
وعلى ان نبادر بحشد شعبى فقمنا بنشر خبر الثورة على القهوة التى نجلس بها وجميع المقاهى القريبة وانتشر الخبر فى جميع مقاهى المحروسة كالنار فى الهشيم وكان اول المنضمين للثورة ملايين العاطلين الذين كانوا يجلسون على المقاهى. و انضم للثورة ملايين البنات - العوانس .و ارسلنا مندوبين لنا لينشروا الخبر فى المناطق العشوائية لحشد كل من عانى من الفقر والحرمان بسبب سياسة مبارك الاقتصادية. ولم ننسى ابلاغ ضحايا مبارك من اهالى ضحايا العبارة او قطار الموت او اهالى المعتقلين. وكل ضحية لنظام مبارك
وكانت النتيجة هى ملايين من شعب مصر قد تجمعوا فى وسط البلد وذهبنا الى المعتقالات للافراج عن المعتقلين السياسين وقررنا الاعتصام المدنى وبذلك لم تستطع الحكومة مقاومة الثورة .
ولاننا كمجلس قيادة التهييس لازلنا شباب لا نملك الخبرة السياسية الكفاية فقررنا ان يقوم بالحكم من هم اكثر منا خبرة فى السياسة فقررنا تعيين حكومة انتقالية مؤقتة يكون فيها ايمن نور رئيس للجمهورية وعصام العريان رئيس للوزراء ويكون طلعت السادات رئيس لمجلسى الشعب والشورى ولكننا كمجلس قيادة التهييس لم ننسى انفسنا فقمنا بتعين انفسنا كاعضاء فى الحكومة كوزراء ونائب لكل من رئيس الجمهورية ورئيس الوزراء والدراع اليمين والشمال لرئيس مجلس الشعب والشورى
ولاننا نؤمن بالديمقراطية والشفافية فبعد مرور عام او اكثر فسنعمل على وضع بذور الخلاف بين ايمن نور وطلعت السادات وعصام العريان . مما ينتج تردى حالة البلد الاقتصادية والسياسية
وسنعلن عن اجتماع لمجلس القيادة وبة نعلن عن سحب الثقة من الحكومة. على ان نشكل حكومة انتقالية لفترة واحدة مدتها 25 سنة وسنقوم بالوعد بعد التمديد فترة اخرى
وستعمل الحكومة على اعتقال كل من ايمن نور وطلعت السادات وعصام العريان ( كدة كدة هما متعودين على الحبس) وسنقوم بتجميد الاحزاب السياسية وسنكتفى بحزبين فقط للمعارضة حزب يمثل اليسار واخر يمثل الليبرالية( وطبعا اتنين مننا هميسكوا احزاب المعارضة يعنى معارضة كدة وكدة ). وان يتم الغاء مجلسى الشعب والشورى ويقوم مجلس قيادة التهييس بادارة شئون البلاد. وسيتم الغاء الدستور ووضع دستور جديد مطاط يكون للمجلس الحق فى تعديل او الغاء اواضافة اى بند من بنود الدستور
سيتم هدم كل المعتقلات وبناء معتقلات جديدة تحت الارض عبارة عن مدن كاملة. فسيكون هناك مدينة لحزب الغد ومدينة لحزب الوفد وباقى الاحزاب على ان يعيش بهذة المدن السياسين وعائلتهم مدى الحياة
اما فى مجال التعليم فسيتم الغاء التعليم الثانوى والجامعى( مش عايزين الشعب يكون متعلم اكتر مننا) وسنكتفى بالتعليم الابتدائى والشاطرفيهم يكمل و ياخد الاعدادية وفى الثقافة سيتم الغاء المطابع والمكتبات وسنكتفى بنشر كتب ميكى وعلاء الدين لتكون الثقافة العامة للشعب
وفى المجال الاقتصادى فيكون المجلس هو المحتكر الاوحد لكل اوجة الاقتصاد فى مصر فهناك من سيحتكر التصنيع والاخر حيتكر التجارة وهكذا
ولكن يبقى الجيش مشكلة هامة( يمكن يتمرد علينا ويعمل انقلاب) ولذلك سنعلن الحرب على السودان وباقى دول حوض النيل وباقى الجيش سيحارب فى الجبهة الشمالية ليحارب ليبيا والمغرب وتونس ونعلن عن انشاء جمهورية مصر الافريقية, لحل مشكلة الاسكان فسنلقى قنابل على مناطق مثل امبابة وشبرا - وهنقول ان ايران هى اللى رمت القنابل وهنعلن الحرب عليها ولان الجيش بيحارب فى مناطق اخرى فسوف نعلن حالة دفاع مشترك بينا وبين اسرائيل واللى سيتجرى يكلمنا يروح يكلم اسرائيل وامريكا الاول
وللتخلص من باقى المعارضة السياسية فسنعطى الحرية لحزب اليسار المعارض حتى يشعر الشيوعين بالامان ويقوموا بالعمل العلنى. - وساعتها هنلغى حزب وتيار اليسار ويتم القبض عليهم وعمل مدينة تحت الارض لهم مثل اخوانهم فى المعارضة
وسنعلن عن فتح باب الهجرة لامريكا وكندا. وطبعا التاشيرة والاوراق مضروبة. فاول ما الشباب يوصلوا امريكا ويكتشفوا ان الورق مزور نقوم نسحب منهم الجنسية المصرية. ويبقوا يورنا هيرجعوا ازاى وكدة هنخلص من كام مليون شاب
اما فى الصحة فقد اختارنا اقل واحد فينا صحة وارفع واحد فينا ليمسك وزارة الصحة وكدة هيخلص على بقية الشعب ليصل تعداد مصر الى 10 ملايين فقط
اما لحل مشكلة المظاهرات فسنعلن عن الغاء الامن المركزى وامن الدولة. وسنعمل قانون ارهاب المواطنين يمنع تجمع اكثر من اثنين لعمل مظاهرة وكل من يقوم بمظاهرة فسينزل الجيش ويقوم بضرب المتظاهر بالدبابات على ان يتم عرض شريط اغتيال المتظاهر فى صباح الخير يا مصر ليكون عبرة لباقى الشعب
ولم نستطع اكمال بقية التخطيط لحكم مصر علشان لقينا مخبرين امن الدولة اعدين حوالينا فى القهوة واعيدين يسجلوا كل كلمة قولنها شكلهم صدقوا بجد اننا هنعمل ثورة مش عارفين ان كل دة تهييس مش اكتر 


المصدر http://tahyyes.blogspot.com/

9/08/2006

كل سنة وأنت طيب



سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين